Милли проект Үрге Йәркәй дауаханаһының автопаркын яңыртырға ярҙам итте
Уҙған йылдың июнь айында Үрге Йәркәй үҙәк район дауаханаһы автопаркы «Һаулыҡ һаҡлау» милли проекты буйынса Lada Niva маркалы ике автомобиль менән тулыланды. Был машиналарҙа табиптар ашығыс саҡырыуҙарға сыға, бынан тыш, улар пациенттарҙы дауаханаға алып барыу һәм алыҫ урынлашҡан ауылдарҙа йәшәүселәргә дарыуҙар таратыу өсөн файҙалана.
Автомобилдәр кондиционер, алғы ултырғыстарҙы йылытыу һәм һалҡын көндәрҙә файҙаланыу өсөн көҙгөләрҙе йылытыу системаһы менән йыһазландырылған. Пассажирҙарҙың хәүефһеҙлеге өсөн хәүефһеҙлек мендәрҙәре ҡаралған, ә яһалма тиренән эшләнгән тыштар дезинфекция саралары тәьҫиренә тотороҡло.
- «Һаулыҡ һаҡлау» милли проекты ярҙамында табиптар һәм шәфҡәт туташтары өсөн уңайлы шарттар булдырыла. Был, әлбиттә, райондың төпкөл ауылдарында йәшәүселәргә медицина ярҙамы алыу мөмкинлеген яҡшыртыуға булышлыҡ итә, - тип һөйләне Үрге Йәркәй дауаханаһының баш табибы Рәзидә Ғатауллина.
343